TƏBİB-in İcraçı direktoruna yeni müşavir təyin olunub Menecement (təyinatlar) 18/06/2026 Paylaş FacebookXWhatsAppTelegram TƏBİB-in İcraçı direktoruna yeni müşavir təyin olunub. Bu barədə TƏBİB-dən məlumat verilib.⚡️📲Təcili xəbərlər üçün bizi WhatsApp kanalından izlə TƏBİB-in İcraçı direktorunun yeni müşaviri tibb üzrə fəlsəfə doktoru Rəna Məmmədova hazırkı təyinatınadək “Paşa Sığorta” ASC-nin Baş tibb inzibatçısı olaraq fəaliyyət göstərib. R.Məmmədova Azərbaycan Tibb Universitetinin Müalicə işi fakültəsində həkim-onkoloq ixtisası üzrə təhsilini başa vurub. Daha sonra Azərbaycan Dövlət İqtisad Universitetində beynəlxalq iqtisadi münasibətlər ixtisası üzrə ikinci təhsil alıb. Əmək fəaliyyətinə 2001-ci ildə Mərkəzi Neftçilər Xəstəxanasında həkim-cərrah olaraq başlayan R.Məmmədova sonrakı illərdə həmin tibb müəssisəsində tibbi sığorta üzrə həkim-koordinator vəzifəsində çalışıb. Bu müddət ərzində tibbi xidmətlərin təşkili, səhiyyə idarəçiliyi və tibbi sığorta sahəsində peşəkar təcrübə qazanıb. 2010-cu ildən etibarən “Paşa Sığorta” ASC-də Tibbi və səfər sığortası departamentinin rəhbəri, daha sonra isə Tibbi sığorta blokunun rəhbəri vəzifələrində çalışıb. Rəhbərlik etdiyi dövrdə tibbi sığorta, xidmətlərin təşkili, səhiyyə müəssisələri ilə əməkdaşlıq mexanizmlərinin inkişafı, tibbi xidmətlərin keyfiyyətinin artırılması və pasiyentyönümlü yanaşmaların tətbiqi istiqamətində fəaliyyət göstərib. R.Məmmədova səhiyyə idarəçiliyi, tibbi sığorta və insan resurslarının idarə olunması sahələrində müxtəlif ixtisasartırma proqramlarında iştirak edib. Yeni vəzifəsində Rəna Məmmədova tibbi sığorta fəaliyyətlərinin inkişafı və pasiyentyönümlü xidmətlərin təkmilləşdirilməsi istiqamətlərində TƏBİB-in fəaliyyətinə töhfə verəcək. TaglarTƏBİB Son xəbərlər Cəmiyyət BƏƏ-də 15 yaşdan kiçik uşaqlara sosial şəbəkələrdən istifadə qadağan edilib 18/06/2026 Ölkə xarici ABŞ-nin hərbi xərcləri 2027-ci ildə 1,5 trilyon dollara çatacaq 18/06/2026 Ölkə daxili “Sumqayıt Yeni Tullantı Sutəmizləyici Qurğunun tikintisi” üzrə kredit sazişi imzalanıb 18/06/2026 Ölkə daxili Azərbaycanda teleqüllə vasitəsilə dəqiq vaxt siqnalları yayıla bilər 18/06/2026 Digər xəbərlər Cəmiyyət BƏƏ-də 15 yaşdan kiçik uşaqlara sosial şəbəkələrdən istifadə qadağan edilib 18/06/2026 Ölkə xarici ABŞ-nin hərbi xərcləri 2027-ci ildə 1,5 trilyon dollara çatacaq 18/06/2026 Ölkə daxili “Sumqayıt Yeni Tullantı Sutəmizləyici Qurğunun tikintisi” üzrə kredit sazişi imzalanıb 18/06/2026 Ölkə daxili Azərbaycanda teleqüllə vasitəsilə dəqiq vaxt siqnalları yayıla bilər 18/06/2026