Azərbaycanda IT şirkətinin xalis mənfəəti 78% azalıb Yerli biznes xəbərləri 23/06/2026 Paylaş FacebookXWhatsAppTelegram Azərbaycanda IT şirkəti “ATL TECH” MMC 2025-ci ili 283.54 min manat xalis mənfəətlə başa vurub. Bu, 2024-cü ildə qeydə alınmış 1.31 mln. manat xalis mənfəətlə müqayisədə 78.3% azalma deməkdir. Banker.az bunu şirkətin maliyyə hesabatına istinadən xəbər verir.⚡️📲Təcili xəbərlər üçün bizi WhatsApp kanalından izlə Mənfəətin azalması əsasən satış gəlirlərinin kəskin enməsi və əməliyyat gəlirliliyinin zəifləməsi ilə bağlıdır. Şirkətin əməliyyat mənfəəti illik müqayisədə 76.4% azalaraq 405.76 min manata düşüb. Digər gəlir və xərclər üzrə 122.22 min manatlıq xalis xərc də yekun nəticəyə mənfi təsir göstərib. Bölüşdürülməmiş mənfəət isə il ərzində 16.5% azalaraq 899.35 min manat təşkil edib. Şirkətin gəlirləri 2025-ci ildə 1.56 mln. manat olub ki, bu da əvvəlki illə müqayisədə 46.7% azdır. Gəlirlər əsasən satış fəaliyyətindən formalaşıb. Satışın maya dəyəri 1.01 mln. manat təşkil edib və illik müqayisədə 0.6% azalıb. Nəticədə ümumi mənfəət 70.1% azalaraq 556.50 min manata düşüb. Ümumi xərclər (satışın maya dəyəri, inzibati, kommersiya və digər əməliyyat xərcləri daxil olmaqla) təxminən 1.28 mln. manat təşkil edib ki, bu da əvvəlki illə müqayisədə 18.2% azdır. 2025-ci ilin sonuna şirkətin cəmi öhdəlikləri 34.51 min manat təşkil edib ki, bu da illik müqayisədə 2.9% artım deməkdir. Öhdəliklərin əsas hissəsini vergi və digər məcburi ödənişlər üzrə 14.66 min manat, alınmış avanslar üzrə 10.25 min manat və digər cari öhdəliklər üzrə 8.79 min manat təşkil edib. Şirkətin cəmi aktivləri 15.9% azalaraq 933.95 min manata enib. Cəmi kapital isə 16.5% azalaraq 899.45 min manat olub. Xatırladaq ki, “ATL TECH” MMC 2013-cü ildə təsis edilib. Şirkətin nizamnamə kapitalı 100 manatdır. Hesabata əsasən, şirkətin yeganə təsisçisi və 100% pay sahibi Mirzəyev Rəşad Rafael oğludur. Son xəbərlər Ölkə xarici İran ABŞ-nin 12 mlrd. dollarlıq aktivləri blokdan çıxarmağa hazır olduğunu bildirib 23/06/2026 Xameneinin dəfninə görə uçuşları məhdudlaşdıracaqlar 23/06/2026 Ölkə xarici Qara dənizdə Türkiyəyə məxsus gəmi hücuma məruz qalıb, yaralılar var 22/06/2026 Təhsil Repetitorluğu ləğv etmək mümkün deyil – Nazir 22/06/2026 Digər xəbərlər Ölkə xarici İran ABŞ-nin 12 mlrd. dollarlıq aktivləri blokdan çıxarmağa hazır olduğunu bildirib 23/06/2026 Xameneinin dəfninə görə uçuşları məhdudlaşdıracaqlar 23/06/2026 Ölkə xarici Qara dənizdə Türkiyəyə məxsus gəmi hücuma məruz qalıb, yaralılar var 22/06/2026 Təhsil Repetitorluğu ləğv etmək mümkün deyil – Nazir 22/06/2026