İlon Mask trilyonçu statusunu itirib — Bloomberg Biznes 24/06/2026 Paylaş FacebookXWhatsAppTelegram Bloomberg milyarderlər indeksinin məlumatına görə, amerikalı sahibkar İlon Maskın sərvəti 1 trilyon dollardan aşağı enərək hazırda 957 milyard dollar təşkil edir. Bununla belə, Forbes-un hesablamalarına əsasən, Maskın sərvəti hələ də 1,1 trilyon dollar səviyyəsindədir.⚡️📲Təcili xəbərlər üçün bizi WhatsApp kanalından izlə Mask cəmi 12 gün əvvəl — iyunun 12-də tarixdə ilk trilyoner olmuşdu. Çərşənbə axşamı, iyunun 23-də əsas ticarət sessiyasının əvvəlində SpaceX səhmləri 3,9% ucuzlaşaraq 148,57 dollara düşüb, şirkətin bazar dəyəri isə 1,99 trilyon dollara enib. Beləliklə, rekord IPO-dan sonra ilk dəfə olaraq SpaceX-in kapitallaşması 2 trilyon dolların altına düşüb və şirkət dünyanın ən böyük açıq səhmdar cəmiyyətləri arasında yeddinci yerə geriləyib. Bu, SpaceX üçün ardıcıl dördüncü kapitallaşma itkisi ilə nəticələnən sessiya olub. İyun ayında şirkət IPO vasitəsilə 85 milyard dollardan çox vəsait cəlb edib. IPO-dan sonra SpaceX-in bazar dəyəri 2,9 trilyon dolları keçmiş, şirkət qısa müddət ərzində Microsoft və Amazon-u geridə qoyaraq dünyanın ən bahalı dörd ictimai şirkətindən birinə çevrilmişdi. Lakin daha sonra şirkətin kapitallaşması həftə ərzində qeydə alınmış maksimum göstəricidən təxminən 550 milyard dollar azalıb. SpaceX-in IPO-su İlon Maskı dünyanın ilk trilyonçusu edib (Bloomberg onun sərvətini 1,05 trilyon dollar qiymətləndirmişdi) və eyni zamanda şirkətin əməkdaşları arasında 4,4 mindən çox yeni milyonerin yaranmasına səbəb olub. Son xəbərlər Nəqliyyat ADY-dən qatar biletləri ilə bağlı açıqlama 24/06/2026 Daşınmaz əmlak Daşınmaz əmlak alqı-satqısında ən böyük risklər hansılardır? – Ali Məhkəmə xəbərdarlıq 24/06/2026 Nəqliyyat Bakı–Tbilisi qatarlarına biletlər 90 gün əvvəldən satışa çıxarılacaq 24/06/2026 Ümumi iqtisadi xəbərlər AZPROMO-nun gəlirləri və mənfəəti artıb 24/06/2026 Digər xəbərlər Nəqliyyat ADY-dən qatar biletləri ilə bağlı açıqlama 24/06/2026 Daşınmaz əmlak Daşınmaz əmlak alqı-satqısında ən böyük risklər hansılardır? – Ali Məhkəmə xəbərdarlıq 24/06/2026 Nəqliyyat Bakı–Tbilisi qatarlarına biletlər 90 gün əvvəldən satışa çıxarılacaq 24/06/2026 Ümumi iqtisadi xəbərlər AZPROMO-nun gəlirləri və mənfəəti artıb 24/06/2026