“Prior Leasing” ASC-nin 1 milyon manatlıq istiqrazları Bakı Fond Birjasında 100% yerləşdirildi Lizinq 12/05/2026 Paylaş FacebookXWhatsAppTelegram ®Azərbaycanın lizinq bazarının aparıcı iştirakçılarından biri olan “Prior Leasing” ASC qiymətli kağızlar bazarında növbəti uğuruna imza atmışdır. Şirkətin 1 000 000 (bir milyon) manat həcmində olan debüt istiqrazlarının Bakı Fond Birjasında (BFB) yerləşdirilməsi 7 may 2026-cı il tarixində tam həcmdə yekunlaşmışdır. Bakı Fond Birjasının Listinq Komitəsinin qərarı ilə Standart Bazar Listinq seqmentinə daxil edilən və AZ2001019531 İSİN kodu ilə qeydiyyata alınan istiqrazlar investorlar tərəfindən böyük maraqla qarşılanmışdır. 31 mart – 29 aprel tarixlərini əhatə edən abunə yazılışı dövründə 56 investor tərəfindən 56 sifariş təqdim edilmiş və 100% icra olunmuşdur.⚡️📲Təcili xəbərlər üçün bizi WhatsApp kanalından izlə İstiqrazların əsas göstəriciləri: Ümumi həcm: 1 000 000 AZN Say: 10 000 ədəd Nominal dəyər: 100 AZN İllik gəlirlilik: 15% Tədavül müddəti: 1 il Gəlirlərin ödəniş qrafiki: Hər 30 gündən bir (aylıq) İstiqrazların yerləşdirilməsi üzrə anderrayter qismində “Assist Finance İnvestisiya Şirkəti” ASC çıxış etmişdir. Kütləvi təklif üsulu ilə reallaşdırılan bu emissiya “Prior Leasing” ASC-nin maliyyə resurslarının diversifikasiyası və yerli kapital bazarındakı mövqeyinin möhkəmləndirilməsi strategiyasının tərkib hissəsidir. Qeyd edək ki, “Bakı Fond Birjasında Qiymətli Kağızların Ticarətə Qəbulu, Listinqə Alınması, Listinqdə Saxlanılması və Delistinqi Qaydaları”-nın tələblərinə tam cavab verən bu istiqrazlar investorlar üçün cəlbedici gəlirlilik və aylıq ödəniş sistemi ilə yüksək likvidlik vəd edir. “Prior Leasing” ASC Azərbaycanın lizinq sektorunda fəaliyyət göstərən, kənd təsərrüfatı texnikası, sənaye avadanlıqları və nəqliyyat vasitələrinin lizinqi üzrə ixtisaslaşmış aparıcı qurumlardan biridir. Şirkət müasir texnologiyaların tətbiqi və maliyyə əlçatanlığının təmin edilməsi vasitəsilə ölkə iqtisadiyyatının, xüsusilə aqrar sektorun inkişafına mühüm töhfə verir. TaglarPrior Leasing Son xəbərlər Ölkə daxili Lökbatandakı yanğın Birmarket-in anbarına da zərər vurub 12/05/2026 Nəqliyyat Bakıda yerüstü və yeraltı piyada keçidlərində eskalator və liftlərin yenilənməsinə başlanılır 12/05/2026 Ölkə xarici CNN: Tramp İranla müharibəni yenidən başlada bilər 12/05/2026 Ümumi iqtisadi xəbərlər Qubanın üç kəndinin adının dəyişdirilməsi qəbul edildi 12/05/2026 Digər xəbərlər Ölkə daxili Lökbatandakı yanğın Birmarket-in anbarına da zərər vurub 12/05/2026 Nəqliyyat Bakıda yerüstü və yeraltı piyada keçidlərində eskalator və liftlərin yenilənməsinə başlanılır 12/05/2026 Ölkə xarici CNN: Tramp İranla müharibəni yenidən başlada bilər 12/05/2026 Ümumi iqtisadi xəbərlər Qubanın üç kəndinin adının dəyişdirilməsi qəbul edildi 12/05/2026