Tbilisi biletləri ilə bağlı detallar açıqlandı – Nələr daxildir? – Fotolar Nəqliyyat 21/05/2026 Paylaş FacebookXWhatsAppTelegram “Mayın 26-da fəaliyyətə başlayacaq Bakı–Tbilisi–Bakı marşrutu üzrə ADY-nin yataq tipli vaqonlardan ibarət müasir qatarları hərəkət edəcək. Marşrut üzrə qatarlarda sərnişinlərə komfort, komfort+ və lüks olmaqla üç sinif üzrə xidmət göstəriləcək”. Banker.az xəbər verir ki, bunu jurnalistlərə açıqlamasında ADY-nin mətbuat katibi Bəxtiyar Hacıyev bildirib.⚡️📲Təcili xəbərlər üçün bizi WhatsApp kanalından izlə “Qatar 1 ədəd “Lüks” sinif, 1 ədəd qarışıq “Lüks” və “Komfort+” sinif, 3 ədəd “Komfort” sinif və 1 ədəd vaqon-restoran olmaqla 6 vaqondan ibarətdir və ümumi sərnişin tutumu 118 nəfər təşkil edir. “Komfort” sinif üzrə vaqonda 1 ədəd kupe hərəkəti məhdud sərnişinlər üçün nəzərdə tutulub. Bundan başqa, 1 ədəd qarışıq “Lüks” və “Komfort+” sinif üzrə vaqonda kupelər xüsusi arakəsmə ilə ayrılıb. Ailə və qrup səfərləri zamanı istəyə uyğun olaraq həmin arakəsmə açılaraq vahid kupe halına salına bilər”, – o qeyd edib. B.Hacıyev bildirib ki, İsveçrənin “Stadler Rail Group” şirkətinin istehsalı olan vaqonlar yeni nəsil təhlükəsizlik texnologiyası və bir sıra innovativ mexanizmlərlə təchiz edilib: “Lüks sinif üzrə kupelər iki nəfərlikdir və hər biri masa, televizor, duş kabinəsi və sanitar qovşaqla təmin olunub. Eyni zamanda, komfort+ sinif üzrə kupelər iki nəfərlikdir və hər bir kupe televizor, masa və əlüzyuyanla təmin edilib. Komfort sinif üzrə kupelər dörd nəfərlikdir və hər birində televizor var. Komfort və Komfort+ vaqonlarda sərnişinlərin istifadəsi üçün ümumi, lüks vaqonlarda isə hər kupe üçün ayrıca duş kabinəsi və sanitar qovşaq mövcuddur. Kupelər fərdi tənzimlənən temperatur və işıqlandırma sistemi, bələdçi ilə əlaqə düyməsi, səs izolyasiyası ilə təmin olunub. Həmçinin şəxsi əşyalar üçün kart sistemi ilə çalışan seyf, elektrik yuvaları, internet, dörd dildə məzmunun təqdim edildiyi TV monitor, pult və qulaqlıq yerləri mövcuddur”. ADY rəsmisinin sözlərinə görə, sərnişinlərə təmiz yataq dəsti, səfər paketi (komfort sinif üzrə nəm və quru salfet, diş dəsti (məcun və fırça), əl dəsmalı, yataq dəsti, su, tərlik; komfort+ sinif üzrə nəm və quru salfet, yuxu maskası, diş dəsti (məcun və fırça), əl dəsmalı, yataq dəsti, su, tərlik, dabankeş; lüks sinif üzrə nəm və quru salfet, yuxu maskası, diş dəsti, gigiyenik dəst, dabankeş, su, tərlik, şampun, duş geli, əl və bədən dəsmalı, yataq dəsti) təqdim olunacaq. MənbəQafqazinfo TaglarADYBakı–Tbilisi–BakıTbilisi Son xəbərlər Neft və Qaz Avropa Komissiyası Brent markalı neft üzrə qiymət proqnozunu 91,2 dollara yüksəldib 21/05/2026 Ölkə daxili Emmanuel Makron İlham Əliyevə zəng vurub 21/05/2026 Bank xəbərləri ABB şahmat çempionatının qalibi oldu! 21/05/2026 Bank xəbərləri Yelo Bank-dan 0% komissiya ilə qızıl təminatlı kredit! 21/05/2026 Digər xəbərlər Neft və Qaz Avropa Komissiyası Brent markalı neft üzrə qiymət proqnozunu 91,2 dollara yüksəldib 21/05/2026 Ölkə daxili Emmanuel Makron İlham Əliyevə zəng vurub 21/05/2026 Bank xəbərləri ABB şahmat çempionatının qalibi oldu! 21/05/2026 Bank xəbərləri Yelo Bank-dan 0% komissiya ilə qızıl təminatlı kredit! 21/05/2026