“OpenAI” 2026-cı ilin birinci rübündə $5,7 mlrd. gəlir əldə edib — bu, rəqib “Anthropic”dən $1 mlrd. çoxdur Xarici biznes xəbərləri 22/05/2026 Paylaş FacebookXWhatsAppTelegram “OpenAI” 2026-cı ilin birinci rübündə 5,7 milyard dollar gəlir əldə edib — bu, rəqib “Anthropic”dən 1 milyard dollar çoxdur. Gəlir göstəriciləri barədə “The Economic Times” yazıb. Nəşrin məlumatına görə, gəlirin artması proqramlaşdırma aləti “Codex”dən istifadənin genişlənməsi, biznes üçün məhsul xəttinin böyüməsi və “ChatGPT”də reklam üzrə ilk eksperimentlərlə bağlı olub. Bundan əlavə, şirkət aylıq 100 dollar qiymətində yenilənmiş “ChatGPT Pro” abunəsini təqdim edib.⚡️📲Təcili xəbərlər üçün bizi WhatsApp kanalından izlə “Anthropic öz növbəsində 2026-cı ilin ikinci rübündə gəlirini iki dəfə artıraraq 11 milyard dollara çatdırmağı və təxminən 600 milyon dollar mənfəət əldə etməyi planlaşdırır. 2026-cı ilin mayında “The Wall Street Journal” yazmışdı ki, startap ilk əməliyyat mənfəəti kimi 559 milyon dollar əldə etməyi planlaşdırır. Amerikanın “Forbes” nəşri qeyd edir ki, “OpenAI” gəlirlərinin təxminən 85%-ni “ChatGPT” abunələrindən əldə edir, “Anthropic” isə əsasən korporativ müştərilər və tərtibatçılar hesabına gəlir qazanır. KİV-in məlumatına görə, hər iki startap IPO-ya hazırlaşır. “Bloomberg” mənbələrinin sözlərinə görə, “Anthropic” 2026-cı ilin oktyabrında birjaya çıxmağı və təxminən 60 milyard dollar cəlb etməyi planlaşdırır. “The Wall Street Journal” mənbələrinin məlumatına görə isə “OpenAI”nin yerləşdirilməsi sentyabr ayında baş tutmalıdır. 2026-cı ilin yazında keçirilən son investisiya raundunda investorlar “OpenAI”ni 852 milyard dollar dəyərində qiymətləndiriblər. “Anthropic” isə fevral ayında 380 milyard dollar qiymətləndirmə ilə investisiya cəlb edib, lakin “Bloomberg”in məlumatına görə, şirkət hazırda 900 milyard dollar qiymətləndirmə ilə yeni maliyyələşdirməni müzakirə edir. TaglarOpenAI Son xəbərlər Nəqliyyat Bakı-Tbilisi qatarına bilet bu şəxslər üçün pulsuz olacaq 22/05/2026 Ölkə xarici ABŞ, Rusiya və Ukrayna arasında üçtərəfli danışıqlar dayandırılıb 22/05/2026 Nəqliyyat Bakı-Sumqayıt yolunda nəqliyyat axınını azaldacaq yeni layihə 22/05/2026 Bank xəbərləri Bank of Baku-dan ölkəxarici pul köçürmələrinə ENDİRİM 22/05/2026 Digər xəbərlər Nəqliyyat Bakı-Tbilisi qatarına bilet bu şəxslər üçün pulsuz olacaq 22/05/2026 Ölkə xarici ABŞ, Rusiya və Ukrayna arasında üçtərəfli danışıqlar dayandırılıb 22/05/2026 Nəqliyyat Bakı-Sumqayıt yolunda nəqliyyat axınını azaldacaq yeni layihə 22/05/2026 Bank xəbərləri Bank of Baku-dan ölkəxarici pul köçürmələrinə ENDİRİM 22/05/2026