WUF13 zamanı Bakıdakı hotellərdə bir gecə qalmaq 620 manata qədər bahalaşıb Turizm 27/05/2026 Paylaş FacebookXWhatsAppTelegram Mayın 17-22-də Bakıda keçirilmiş BMT-nin Ümumdünya Şəhərsalma Forumunun 13-cü sessiyası (WUF13) çərçivəsində müxtəlif ölkələrdən minlərlə insan Bakıya səfər etdi ki, bu da paytaxtın turizm, hotelçilik, ictimai iaşə və nəqliyyat sektorlarında canlanma yaradıb. Turizm sahəsi üzrə ekspertlər hesab edirlər ki, tədbir qısamüddətli iqtisadi effekt yaratmaqla yanaşı, Azərbaycanın beynəlxalq tədbirlər və işgüzar turizm istiqamətində mövqeyini bir qədər də gücləndirib. Azərbaycan Hotellər və Restoranlar Assosiasiyasının İdarə Heyətinin sədri, Azərbaycan Ekoturizm Assosiasiyasının icraçı direktoru Samir Dübəndi bildirib ki, WUF13 Bakının turizm və qonaqpərvərlik sektorları üçün yüksək intensivlikli beynəlxalq tələb yaradıb: “Forumun 176 ölkədən on minlərlə iştirakçı cəlb etməsi ilk növbədə hotelçilik sektorunda hiss olunub. Operativ bazar müşahidələrinə əsasən, tədbir günlərində Bakıda 5 ulduzlu hotellərin doluluğu 96–100 %-ə çatıb. Şəhərin mərkəzində yerləşən daha aşağı seqment hotellərdə isə doluluq təxminən 85–90 % ətrafında olub”.⚡️📲Təcili xəbərlər üçün bizi WhatsApp kanalından izlə Onun sözlərinə görə, WUF13 dövründə 5 ulduzlu hotellərdə bir gecə qalmağın qiyməti 480–620 manat arasında dəyişib: “Vergilər çıxıldıqda bu, təxminən 405–525 manat deməkdir. Bu göstəricilər forum günlərində premium hotel seqmentində həm doluluğun, həm də otaq gəlirliliyinin maksimum həddə yaxınlaşdığını göstərir”. Ekspert vurğulayıb ki, forumun təsiri yalnız hotellərlə məhdudlaşmayıb: “Restoranlar, kafe və keyterinq operatorları forum iştirakçıları, nümayəndə heyətləri və müşayiətedici tədbirlər hesabına əlavə müştəri axını qazandı. Nəqliyyat sektorunda da ciddi aktivlik müşahidə olundu. Forum günlərində xüsusi marşrutlar və şəhərdaxili daşımalar vasitəsilə təxminən 179 min sərnişin daşındı. Heydər Əliyev Beynəlxalq Hava Limanı isə WUF13 dövründə 194 mindən çox sərnişinə xidmət göstərib”. Azərbaycan Turizm Peşəkarları Təşkilatının rəhbəri Ceyhun Aşurov isə deyir ki, WUF13 ümumilikdə uğurlu təşkil olunub və ölkənin turizm destinasiyası kimi tanınmasına müsbət təsir göstərib. Onun sözlərinə görə, qonaq sayı ilkin gözləntilərlə müqayisədə daha az olsa da, tədbir hotel sektorunda müəyyən aktivlik yaradıb: “Xüsusilə paytaxt ərazisində yerləşən hotellərdə müəyyən doluluq müşahidə olunurdu. Amma demək olmazdı ki, hotellər pik doluluq həddinə çatmışdı. Çünki iştirakçı sayı gözləniləndən aşağı idi”. C.Aşurov əlavə edib ki, forum günlərində daha çox şəhər mərkəzində yerləşən iri və yüksək tutumlu hotellərdə qonaqların yerləşdirilməsi müşahidə olunub. MənbəREPORT TaglarCeyhun AşurovhotelSamir DübəndiWUF13 Son xəbərlər Bank xəbərləri Vətəndaşlara kreditlərlə bağlı şad xəbər: Təcili pula ehtiyacı olanlara qısamüddətli borc veriləcək 27/05/2026 Yerli biznes xəbərləri Brabus Azərbaycanda lüks yaşayış kompleksi inşa edəcək 27/05/2026 Ümumi iqtisadi xəbərlər Sahil Babayev: Azərbaycan borclanma siyasətinə görə dünyada ən yaxşı göstəricilərə malik ölkələrdən biridir 27/05/2026 Neft və Qaz Azərbaycan nefti ucuzlaşıb 27/05/2026 Digər xəbərlər Bank xəbərləri Vətəndaşlara kreditlərlə bağlı şad xəbər: Təcili pula ehtiyacı olanlara qısamüddətli borc veriləcək 27/05/2026 Yerli biznes xəbərləri Brabus Azərbaycanda lüks yaşayış kompleksi inşa edəcək 27/05/2026 Ümumi iqtisadi xəbərlər Sahil Babayev: Azərbaycan borclanma siyasətinə görə dünyada ən yaxşı göstəricilərə malik ölkələrdən biridir 27/05/2026 Neft və Qaz Azərbaycan nefti ucuzlaşıb 27/05/2026