XİN: Azov dənizində dron hücumu nəticəsində 25 Azərbaycan vətəndaşından 4-ü yaralanıb, 4 nəfər həlak olub Ölkə daxili 06/06/2026 Paylaş FacebookXWhatsAppTelegram 5 iyun tarixində Azov dənizində dron hücumları nəticəsində “Natra” və “Zirkon” yük gəmilərində həlak olmuş və yaralanmış Azərbaycan Respublikası vətəndaşlarının sayı və kimlikləri dəqiqləşdirilib. Bu barədə Azərbaycan XİN məlumat yayıb.⚡️📲Təcili xəbərlər üçün bizi WhatsApp kanalından izlə Qeyd olunub ki, yenilənmiş məlumata əsasən, ümumilikdə 25 nəfər Azərbaycan vətəndaşından 4 nəfər yaralanıb, 4 nəfərin isə həlak olduğu bildirilir. İlkin olaraq vəfat etdiyi elan olunmuş digər bir şəxsin isə Azərbaycan vətəndaşı və Azərbaycan əsilli deyil, Rusiya vətəndaşı olduğu müəyyənləşib: “Həlak olmuş vətəndaşlarımız 1976-cı il təvəllüdlü Rəcəb Əhədov və 1997-ci il təvəllüdlü Məhəmməd Əliyevin cəsədləri aşkarlanıb və cənazələrin ölkəmizə göndərilməsi istiqamətində tədbirlər görülür. Qeyd edək ki, həlak olduğu bildirilən digər iki vətəndaşımızın heyətində olduqları “Zirkon” gəmisi partlayış təhlükəsi olduğuna görə vurulduğu yerdə saxlanılıb. Rusiyanın xilasedici qrupları tərəfindən gəminin limana gətirilməsi üçün təhlükəsizlik tədbirləri görülür. Yalnız axtarış tədbirləri yekunlaşandan sonra iki vətəndaşın aqibəti barədə dəqiq məlumatın verilməsi mümkündür. Yeysk şəhər xəstəxanasına yerləşdirilmiş yaralılar 1998-ci il təvəllüdlü Samid İbadzadə və Rəşad Mədətxanov artıq xəstəxanadan çıxarılıb. 2002-ci il təvəllüdlü Emin Valehov və 1999-cu il təvəllüdlü Namiq Cəfərlinin də vəziyyətləri yaxşıdır və onlar müalicələrini tamamladıqdan sonra xəstəxanadan buraxılacaqlar. Rusiyadakı səfirliyimizin əməkdaşları ərazidədir və vətəndaşlarımıza zəruri dəstəyin göstərilməsi istiqamətində tədbirlər görülür. Bütün vətəndaşlarımız Yeysk şəhərində mehmanxanada yerləşdirilib və ailələri ilə təmasdadırlar. Vətənə qayıtmaq niyyətində olan və sənədləri itmiş vətəndaşlarımız müvafiq qayıdış şəhadətnamələri ilə təmin olunublar”. MənbəAPA TaglarAzərbaycan XİNAzov dənizi Son xəbərlər Daşınmaz əmlak Bakıda 1 sot torpaq 2 milyon manat: Ən bahalı ünvanlar 06/06/2026 Avto xəbərlər “Ford” 420 minə yaxın avtomobili geri çağırır 06/06/2026 Texnologiya xəbərləri “iPhone”da gizli funksiya aşkarlanıb 06/06/2026 Daşınmaz əmlak Bakıda kiçik mənzil sahiblərinə əlavə kompensasiya verilə bilər 06/06/2026 Digər xəbərlər Daşınmaz əmlak Bakıda 1 sot torpaq 2 milyon manat: Ən bahalı ünvanlar 06/06/2026 Avto xəbərlər “Ford” 420 minə yaxın avtomobili geri çağırır 06/06/2026 Texnologiya xəbərləri “iPhone”da gizli funksiya aşkarlanıb 06/06/2026 Daşınmaz əmlak Bakıda kiçik mənzil sahiblərinə əlavə kompensasiya verilə bilər 06/06/2026