Dollar son hadisələr fonunda 10 günlük minimuma enib Valyuta 16/06/2026 Paylaş FacebookXWhatsAppTelegram Çərşənbə axşamı ABŞ dolları son 10 günün minimum səviyyələrinə yaxın ticarət olunub. Buna səbəb ABŞ və İran arasında əldə olunan razılaşmanın investorların risk iştahını artırması olub. Digər tərəfdən, Yaponiya Bankının inflyasiya risklərini cilovlamaq məqsədilə faiz dərəcələrini artırmasından sonra yen dollar qarşısında 160 səviyyəsi ətrafında dalğalanıb. ABŞ prezidenti Donald Tramp Vaşinqton və Tehran arasında Yaxın Şərqdə müharibənin dayandırılmasına dair ilkin razılaşma əldə olunduğunu açıqlayıb. Razılaşmanın detalları hələ açıqlanmasa da, xəbər qlobal bazarlarda müsbət qarşılanıb və neft qiymətlərinin azalmasına səbəb olub.⚡️📲Təcili xəbərlər üçün bizi WhatsApp kanalından izlə Bu həftə investorlar Federal Ehtiyatlar Sistemi və İngiltərə Bankı daxil olmaqla aparıcı mərkəzi bankların iclaslarını diqqətlə izləyəcəklər. Məqsəd Yaxın Şərqdəki gərginliyin azalmasının qısamüddətli inflyasiya risklərinə təsirini qiymətləndirməkdir. Yaponiya Bankı gözlənildiyi kimi faiz dərəcələrini son 31 ilin ən yüksək səviyyəsinə qaldırıb. Bununla belə, qərar 7-yə qarşı 1 səs nisbəti ilə qəbul edilib ki, bu da növbəti faiz artımının vaxtı ilə bağlı müəyyən fikir ayrılıqlarının olduğunu göstərir. Ekspertlər hesab edirlər ki, faiz artımına baxmayaraq, orta müddətli perspektivdə yen üzərindəki təzyiq zəifləməyəcək. O əlavə edib ki, Yaponiya hakimiyyətinin valyuta bazarına müdaxilə ehtimalı hələ də qalır. Dollar/yen məzənnəsi 160,29 səviyyəsində olub. Treyderlər Tokio tərəfindən yeni müdaxilələrin mümkünlüyündən ehtiyat edirlər və hətta Yaxın Şərqdə sülh razılaşmasının da yenin vəziyyətini əhəmiyyətli dərəcədə yaxşılaşdırmayacağı düşünülür. Avstraliya dolları isə 0,3% ucuzlaşaraq 0,705 ABŞ dollarına enib. Bu, Avstraliyanın Ehtiyat Bankının üç ardıcıl faiz artımından sonra uçot dərəcəsini dəyişməz saxlamaq qərarından sonra baş verib. RBA bəyan edib ki, inflyasiya hələ də yüksək olaraq qalır və zərurət yaranarsa, əlavə faiz artımlarına da hazırdır. ABŞ-İran razılaşması aprel ayında elan olunmuş atəşkəsi daha 60 gün uzadır və fevralda ABŞ və İsrailin hücumlarından sonra Tehran tərəfindən bağlanan Hörmüz boğazını yenidən gəmiçilik üçün açır. Valyuta bazarının reaksiyası digər bazar seqmentləri ilə müqayisədə daha təmkinli olub. İnvestorlar mərkəzi bank rəhbərlərinin açıqlamalarını gözləyirlər. Avro 1,1577 dollar səviyyəsində ticarət olunub. Bu, bazar ertəsi qeydə alınan 1,1622 dollarlıq 10 günlük maksimumdan aşağıdır. Funt sterlinqin məzənnəsi isə 1,3392 dollar təşkil edib. ABŞ dollarının altı əsas valyutaya qarşı dəyərini göstərən dollar indeksi 99,76 bənd olub. Fevralın sonlarında başlayan Yaxın Şərq gərginliyindən bəri indeks təxminən 2% artıb. Analitiklərin fikrincə, bazar reaksiyası real vəziyyəti qabaqlayıb və ABŞ-İran razılaşmasının gələcək taleyindən asılı olaraq əhəmiyyətli dərəcədə dəyişə bilər. TaglarDollar Son xəbərlər Ümumi iqtisadi xəbərlər Əsas kapitala yönəldilən vəsaitlər azaldı – Neft sektoru artır, qeyri-neft zəifləyir 16/06/2026 Menecement (təyinatlar) “PAŞA Sığorta”nın Direktorlar Şurasına yeni sədr və üzvlər seçilib 16/06/2026 Nəqliyyat Azərbaycana gətirilən minik maşınlarının sayı 40% düşüb 16/06/2026 Bank xəbərləri ABB İslam İnkişaf Bankı Qrupunun illik toplantılarında rəqəmsal filialı ilə təmsil olunur 16/06/2026 Digər xəbərlər Ümumi iqtisadi xəbərlər Əsas kapitala yönəldilən vəsaitlər azaldı – Neft sektoru artır, qeyri-neft zəifləyir 16/06/2026 Menecement (təyinatlar) “PAŞA Sığorta”nın Direktorlar Şurasına yeni sədr və üzvlər seçilib 16/06/2026 Nəqliyyat Azərbaycana gətirilən minik maşınlarının sayı 40% düşüb 16/06/2026 Bank xəbərləri ABB İslam İnkişaf Bankı Qrupunun illik toplantılarında rəqəmsal filialı ilə təmsil olunur 16/06/2026